Մոսկվայում ձերբակալվել է բողոքի ակցիայի 311 մասնակից

Մոսկվայում, երեկ՝ օգոստոսի 3-ին, մայրաքաղաքի քաղաքային դումայի ազատ ընտրությունների պահանջով չարտոնված բողոքի ակցիաներ են անցկացվել. տեղեկացնում է Agence France-Presse-ը:

Բողոքի ակցիային մասնակցել է մի քանի հազար մարդ: Ոստիկանությունը բերման է ենթարկել չարտոնված ցույցի մի քանի հարյուր մասնակցի: Հայտնի է, որ բերման ենթարկվածներից 311-ը ձերբակալվել են: Դրանց թվում է նաև, ակցիայի կազմակերպիչներից, ընդդիմադիր ճանաչված գործիչ Լյուբով Սոբոլը, որը ձերբակալվել է նախքան բողոքի ակցիայի մեկնարկը:

Սա երրորդ շաբաթն է, ինչ Մոսկվայի քաղաքային դումայի ազատ ընտրությունների պահանջով չարտոնված բողոքի ակցիաներ են անցկացվում ՌԴ մայրաքաղաքում: