Լեզվի կոմիտեն ունի պաշտոնական լրատու. գործարկվել է կայքէջը

Լեզվի կոմիտեն գործարկել է իր պաշտոնական կայքէջը: Այն գործում է «langcom.am» և «լեզվիկոմիտե.հայ» հասցեներով: Կայքը ծառայելու է որպես կոմիտեի պաշտոնական լրատու և լեզվական հարթակ՝ հագեցած տարատեսակ նյութերով, նույնիսկ խաղերով: Կայքի գործարկման մասին տեղեկատվությունը կոմիտեն հրապարակել է «Ֆեյսբուք» սոցիալական ցանցի իր էջում համապատասխան գրառմամբ:

«Բարի գալուստ Լեզվի կոմիտեի կայք: Հարգելի՛ այցելու, ողջո՜ւյն: Կայքում ամեն օր տեղադրվում են կոմիտեի պատրաստած նյութերը հայերենի այսօրվա խնդիրների ու մարտահրավերների, Հայաստանի պետական լեզվական քաղաքականության և այլ հարցերի մասին։ Langcom.am կամ լեզվիկոմիտե․հայ կայքն այսօրվանից ձեր լեզվական հարցերի առաջին հասցեատերն է»,-ասված է գրառման մեջ: