Ոչ ոք պատասխանատվությունից չի խուսափի. Բախտաձե

Թբիլիսիում հունիսի 20-ի հանրահավաքում անկարգությունների գործի հետաքննությունը շարունակվում է, և ինչպես իրավապահները, որոնք ցրելիս  գերազանցել են իրենց լիազորություններն, այնպես էլ քաղաքական գործիչները, որոնք բռնության կոչ են արել, չեն խուսափի պատասխանատվությունից: Այդ  մասին այսօր լրագրողներին ասել է Վրաստանի վարչապետ Մամուկա Բախտաձեն. հայտնում է ТАСС-ը։

«Ոչ ոք անպատիժ չի մնա, և  (հետաքննության) գործընթացը, որն ընթանում է հունիսի 21-ից, դրա ակնառու օրինակն է: Պատասխանատվությունից չեն խուսափի նաև,  այսպես կոչված, քաղաքական գործիչները, անպատասխանատու մարդիկ, որոնք մեր երիտասարդության անկեղծ բողոքն օգտագործեցին իրենց սադրիչ նպատակներով»,- ասել է նա: