Վրաստանի տարածքով դեպի Հայաստան գազամատակարարման հարցով «Գազպրոմ»-ի հետ բանակցությունները շուտով կավարտվեն. Բախտաձե

Վրաստանի վարչապետ Մամուկա Բախտաձեի կարծիքով` Վրաստանի տարածքով դեպի Հայաստան ռուսական գազի մատակարարման հարցով համաձայնագրի շուրջ «Գազպրոմ»-ի հետ բանակցությունները շուտով կավարտվեն. հայտնում է Спутник-Грузия-ն։

«Բանակցություններն ընթանում են։ Դրանք վարում է էկոնոմիկայի նախարարությունը, և եկեք սպասենք դրանց արդյունքներին։ Կարծում եմ՝ բանակցությունները կավարտվեն մոտ ապագայում: Մեր դիրքորոշումը հետևյալն է՝ Վրաստանը պետք է բարելավի իր դիրքերը տվյալ համաձայնագրի շրջանակում։ Անկասկած, ելակետը կլինեն  մեր ազգային շահերն ու մեր` էներգակախված չլինելը»,- ասել  է Բախտաձեն։

Հիշեցնենք, որ  Վրաստանը 2017-ից հրաժարվել է ռուսական գազից ու այն գնում է Ադրբեջանից։