Մեր բարոյական և կրոնական պարտավորությունն է պաշտպանել Սիրիայի կայունությունը և մասնակցել վերականգնման աշխատանքներին. Բերիո հայոց թեմի առաջնորդ

«Գանձասար»-18 Յունիսի միջօրէին, Բերիոյ Հայոց Թեմի նորընտիր Առաջնորդը եւ անոր ընկերակցող պատուիրակութիւնը, նախքան Լաթաքիոյ հայ համայնքին տրուած հովուապետական այցելութիւնը, այցելեցին Լաթաքիոյ Նահանգապետ Իպրահիմ Խտըր Սալեմին:

Հանդիպումին ընթացքին Առաջնորդ Սրբազան Հայրը յայտնեց, որ հայ ժողովուրդը Սուրիան կը համարէ յարութեան հայրենիք: Հայրենիք, որ Օսմանեան Կայսրութեան կազմակերպած Հայոց Ցեղասպանութենէն ետք, շատ բան տուաւ հայ ժողովուրդին ու սատար կանգնեցաւ անոր զարթօնքին: «Սուրիահայութեան բարոյական եւ կրօնական պարտաւորութիւնն է պաշտպանել Սուրիոյ գերիշխանութիւնն ու կայունութիւնը: Կ՛աղօթենք առ բարձրեալն Աստուած, որ պահպանէ Սուրիան եւ անոր բանակը, որոնք համայն աշխարհին եւ մարդկութեան փոխարէն կը պայքարին ահաբեկչութեան դէմ», ըսաւ սրբազան հայրը, աւելցնելով, որ Սուրիոյ մէջ թէ դուրս ապրող հայերը հաւատարմօրէն պիտի մասնակցին Սուրիոյ վերականգնումի աշխատանքներուն:
«Սա Սուրիոյ մէջ, անոր իմաստուն նախագահին հովանիին ներքեւ հոգեկան եւ ֆիզիքական խաղաղութեամբ ապրող սուրիահայութեան դերն ու առաքելութիւնը կը համարենք նաեւ», շեշտեց սրբազան հայրը: