Բերիո թեմի նախկին առաջնորդի յուրահատուկ նվերը` ՀՅԴ Բյուրոյի գրասենյակին

Երեկ` սեպտեմբերի 25-ին, Հայ Յեղափոխական Դաշնակցության Բյուրոյի երևանյան գրասենյակ է այցելել Բերիո թեմի նախկին առաջնորդ, գերաշնորհ տեր Սուրեն արքեպիսկոպոս Գաթարոյանը:

Սրբազանը ՀՅԴ Բյուրոյի գրասենյակին է հանձնել դեռևս 2002 թվականի սեպտեմբերի 30-ին ՀՅԴ Հալեպի Կենտրոնական կոմիտեի կողմից որպես երախտագիտության նշան իրեն նվիրված` Հալեպի անվանի վարպետի ձեռքով պատրաստված ՀՅԴ զինանշանը:

Արվեստի այս գեղեցիկ ստեղծագործությունը երկար տարիներ գտնվել է Սուրեն արքեպիսկոպոսի տանը, սակայն, ի վերջո, սրբազանը որոշել է` դրա լավագույն տեղը ՀՅԴ պատմության թանգարանն է, եւ Հայաստան այցելության ժամանակ այն անձամբ բերել է իր հետ: