Կանադայում օդի ջերմաստիճանը 2 անգամ ավելի արագ է բարձրանում, քան աշխարհի մյուս մասերում

Կանադայում օդի ջերմաստիճանը երկու անգամ ավելի արագ է բարձրանում, քան աշխարհի մյուս մասերում։ Այս մասին տեղեկացնում է BBC -ն:

Դաշնային կառավարության զեկույցը կլիմայի մասին նախազգուշացնում է` փոփոխություններն արդեն ակնհայտ են երկրի շատ մասերում և, ըստ կանխատեսումների, ավելի կուժեղանան: Ենթադրվում է, որ դրանք արդեն անդառնալի են։

Կանադայում միջին տարեկան ջերմաստիճանը 1948 թվականից բարձրացել է, ըստ Ցելսիուսի, մոտ 1.7 աստիճանով: Ջերմաստիճանի ամենաշատ բարձրացում նկատվում է Բրիտանական Կոլումբիայի հյուսիսային շրջանում։  Հյուսիսային Կանադայում միջին տարեկան ջերմաստիճանը բարձրացել է մոտ 2.3 աստիճանով։

Գլոբալ տաքացման ազդեցությունը Կանադայի շրջակա միջավայրի վրա ենթադրում է ավելի ծայրահեղ եղանակային պայմաններ։ Ավելի բարձր ջերմաստիճանը կարող է հետևանք լինել շոգի ուժեղացման, հրդեհների և երաշտի: Սպասվում է նաև, որ օվկիանոսները կդառնան թթվածնով ավելի քիչ հագեցած, ինչը կարող է վնասել այնտեղ բնակվող կենդանական աշխարհին։