ԱԺ-ում քվորում չկա. «Ծառուկյան» դաշինքը բոյկոտում է քառօրյան

Այսօր ԱԺ-ն պետք է սկսեր հերթական նիստի աշխատանքը, սակայն անհրաժեշտ թվով պատգամավորներ չգրանցվելու պատճառով նիստը հետաձգվեց: Գրանցվել էր ընդամենը 27 պատգամավոր:

Նիստը վարող` ԱԺ նախագահ Արա Բաբլոյանը հայտարարեց. «Գրանցվել է 27 պատգամավոր, քվորում չունենք»:

Նա նշեց, որ, ըստ ԱԺ կանոնակարգի, գրանցումը շարունակվելու է այնքան, մինչև անհրաժեշտ թվով պատգամավորներ գրանցվեն, բայց ոչ ավելի քան 4 ժամ: «Նշված ժամկետում նիստին անհրաժեշտ թվով պատգամավորներ չապահովելու դեպքում, նիստերը համարվում են չկայացած»,- ասաց ԱԺ նախագահը:

Վարման կարգով ելույթ ունեցավ ԱԺ «Ծառուկյան» խմբակցության պատգամավոր Վահե Էնֆիաջյանը և նշեց, որ երկրում աննախադեպ իրավիճակ է ստեղծվել, և «Ծառուկյան» դաշինքը հայտարարում  է 4 օրյա բոյկոտ ու չի մասնակցելու այս քառօրյային: