Ռեստորաններ, ձկնաբուծարաններ. բանկերի սեփականություն դարձած անշարժ գույքերի ցանկը. «Հայկական ժամանակ»

«Հայկական ժամանակ» թերթը գրում է. «Հայաստանում քիչ են այնպիսի ընտանիքները, որոնց անդամներից որեւէ մեկը վարկային պարտավորություն չունենա այս կամ այն բանկին կամ վարկային կազմակերպությանը: Նույն տրամաբանությամբ էլ փոքր ու միջին բիզնեսով զբաղվողները հաճախ են դիմում ֆինանսական կառույցներին՝ բիզնեսը զարգացնելու, առողջացնելու կամ էլ նոր բիզնես հիմնելու նպատակով:

«Հայկական ժամանակ»-ն ուսումնասիրել է Հայաստանի բանկերում գրավադրված եւ հետագայում բանկի սեփականությունը դարձած անշարժ գույքերի ցանկերը:

Ուսումնասիրության արդյունքները մտահոգիչ են: Մայրաքաղաքում եւ դրանից դուրս գտնվող մի շարք ընկերությունների գույք դարձել է բանկերի սեփականություն: Դրանց թվում են՝ ռեստորաններ, գրասենյակային տարածքներ, ձկնաբուծարաններ, ավտոմեքենաների սպասարկման կետեր եւ այլն»:

Առավել մանրամասն՝ թերթի այսօրվա համարում