ԱԺ-ն այսօր ԲԴԽ անդամներ և պետաիրավական հանձնաժողովի նախագահ կընտրի

Այսօր խորհրդարանում տեղի կունենան Բարձրագույն դատական խորհրդի հինգ անդամների և ՀՀ պետական-իրավական և մարդու իրավունքների պաշտպանության հանձնաժողովի նախագահի ընտրությունները։

Նշենք, որ կոալիցիոն ուժերը` ՀՅԴ-ն ու ՀՀԿ-ն, առաջադրել են Բարձրագույն դատական խորհրդի հինգ անդամներին: Նրանք են`առաջին պաշտոնում՝ Գագիկ Գարուշի Հարությունյան, երկրորդ պաշտոնում՝ Գևորգ Բալաբեկի Դանիելյան, երրորդ պաշտոնում՝ Լիպարիտ Ռոբերտի Մելիքջանյան, չորրորդ պաշտոնում՝ Հայկ Արտաշեսի Հովհաննիսյան, հինգերորդ պաշտոնում՝ Սերգեյ Գուրգենի Մեղրյան:

Պետաիրավական հանձնաժողովի նախագահ Հրայր Թովմասյանը հրաժարական էր տվել, քանի որ առաջադրվել էր ՍԴ անդամի թափուր պաշտոնի համար։ Այժմ պետաիրավական հանձնաժողովի նախագահի պաշտոնի համար ՀՀԿ-ն առաջարկել է պատգամավոր Գևորգ Կոստանյանի թեկնածությունը:

Ընտրություններից յուրաքանչյուրը կտևի մեկական ժամ: