Գերմանիայում ադրբեջանցիների ընտանիքը պատանդ է վերցրել իրենց արտաքսել փորձող անձանց

Գերմանիայի Գյուտերսլո շրջանում փորձել են արտաքսել ադրբեջանական ընտանիքին, ինչն ավարտվել է հրաձգությամբ և պատանդներ վերցնելով. հայտնում է АПА-ն:

Տեղեկության համաձայն`իշխանությունները սպասում էին, որ ընտանիքը դեմ կլինի արտաքսմանը, այդ իսկ պատճառով հունվարի 18-ի գիշերը նրանց տուն են ուղարկել Գերմանիայի միգրացիոն ծառայության աշխատակիցներին անվտանգության մարմինների աշխատակիցների և ոստիկանների ուղեկցությամբ: Ընտանիքին հաջողվել է խլել ոստիկաններից մեկի ատրճանակը և անգամ պատանդ վերցնել մեկ ոստիկանի և միգրացիոն ծառայության աշխատակցի: Դեպքերի նման զարգացոմից հետո ընտանքի տուն հատուկջոկատայիններ են ուղարկվել, ինչից հետո ադրբեջանցիները հանձնվել են իշխանություններին:

Նշվում է, որ ներկայումս ընտանիքի անդամների հետ աշխատում են հոգեբանները: