Թուրքերին պատանդ են վերցրել

Թուրքիայի կառավարությունը խուճապի մեջ փորձում է փրկել Լիբիայում մնացած իր 25 հազար քաղաքացիներին: Ներկայումս տարհանվել են ընդամենը հազարը:

Ինչպես տեղեկացնում է mignews.com-ը, մոտ 4000 թուրք փորձել են հեռանալ Լիբիայի` մեծությամբ երկրորդ քաղաք Բենգազիից, սակայն օդանավակայանում նրանց պատանդ են վերցրել ընդդիմադիրները: Նրանք հայտարարել են, որ թուրքերին օգտագործելու են «որպես հակակշիռ Լիբիայի կատաղած շան` գնդապետ Քադաֆիի բանակին»:

Լիբիայի իշխանությունները հրաժարվում են ընդունել Թուրքիայի քաղաքացիների փրկության համար ուղարկված ինքնաթիռները: Մոտ 2400 մարդ տարհանելու նպատակով այսօր լիբիական նավահանգիստներից մեկում խարիսխ է գցելու թուրքական 2 նավ: