Ռուս քաղաքագետ Սերգեյ Մարկեդոնովն անդրադարձել է Հայաստան-ԵՄ համաձայնագրին

 Ռուս քաղաքագետ Սերգեյ Մարկեդոնովը carnegie.ru-ում անդրադարձել է Հայաստան-ԵՄ համաձայնագրին:

Ըստ քաղաքագետի` վերջին տարիներին, հատկապես` ուկրաինական ճգնաժամի ազդեցության տակ, հետխորհրդային տարածքում ցանկացած արտաքին քաղաքական իրադարձություն դիտվում է որպես ընտրություն Ռուսաստանի և Արևմուտքի միջև:

«Մինչդեռ Անդրկովկասում արտաքին քաղաքականությունը չի կառուցվում նման մանիքեյական սկզբունքներով: Հայաստանը, Վրաստանը և Ադրբեջանը ունեն տարածաշրջանային ինտեգրացիոն նախագծերի պակաս ունեցած չլուծված հակամարտությունների պատճառով: Այդ երկրները փորձում են հարմարեցնել արտաքին դերակատարների հետ իրենց կապերն իրենց ազգային շահերի պաշտպանությանը: Այդ պատճառով արտաքին քաղաքական դիվերսիֆիկացումն այստեղ բացառություն չէ, այլ՝ նորմ»,- գրում է նա:

Ըստ Մարկեդոնովի` Հայաստանի և ԵՄ-ի միջև շրջանակային համաձայնագրի ստորագրումը հնարավոր է դարձել «կամ, կամ» ընտրությունից հրաժարվելու շնորհիվ, հենց այստեղ է հարկավոր փնտրել ներկայիս հաջողության պատճառը:

«Ներկայիս իրականությունում Ռուսաստանի կողմից անվտանգության երաշխիքն այլընտրանք չունի Երևանի համար, բայց միևնույն ժամանակ Երևանի համար կարևոր է տնտեսական և արտաքին քաղաքական դիվերսիֆիկացումը ( այդ թվում` ԵՄ-ի հետ շփումների միջոցով)»,- գրում է քաղաքագետը:

Ըստ Մարկեդոնովի` ներկայումս այդ համաձայնագրի շնորհիվ Երևանը կարող է դառնալ Ռուսաստանի և ԵՄ-ի միջև երկխոսության լրացուցիչ հարթակ:

Ներկայումս քայլ է արվել դեպի «և, և» մոտեցումը, սակայն լիարժեք գիտակցմանը, թե որքան վտանգավոր է խիստ պառակտված և միայն ձևավորվող հետխորհրդային հասարակություններում արտաքին քաղաքական մանիքեությունը, նախկին պես դեռ շատ կա, այդ պատճառով լավատեսական եզրակացությունները վաղաժամ են»,- գրում է նա: