Կադրային փոխատեղումներ՝ ՊԵԿ-ում. «Հրապարակ»

«Հրապարակ»-ը գրում է. «ՊԵԿ-ում կադրային փոխատեղումները շարունակվում են: Դատելով վերշին փո­փոխություններից՝ կարելի է ասել, որ ՊԵԿ նախագահ Վարդան Հարությունյանը դարձյալ սկսում է ապավինել հին, փորձ­ված կադրերին: Մեր տեղեկություններով՝ իր տեղը զիջելու է նախ փոքր հարկ վճա­րողների հարկային տեսչության վարչության ղեկավար Դավիթ Դավթյանը, ում տարիներ շարունակ հովանավորել է ՀՀ Նախագահի աշխատակազմի գործերի կառավարիչ, «Փեթակի» սեփականատեր, «Արցախ» հայրենակցական միության ղեկավար Վարուժան Գրիգորյանը: 

Նրա փո­խարեն, ըստ ամենայնի, կնշանակվի կազ­մակերպման և հսկողության վարչության պետ Ռաֆիկ Մաշադյանը, որին ժամա­նակին հեռացրին խոշոր հարկատուների վարչության պետի պաշտոնից՝ բավակա­նին աննշան պաշտոնի նշանակելով:

Մաշադյանի ղեկավարած կազմհսկողության վարչությունն էլ, հավանաբար, կղեկավա­րի նախագահի աշխատակազմից սերող, այժմ կազմհսկողության վարչության պե­տի տեղակալ Տիգրան Ձաքարյանը՝ ՀՀ նախագահի օգնական Մարտին Ձաքարյանի որդին: Ի դեպ, Տիգրան Ձաքարյանը երկար տարիներ եղել է Մաշադյանի ղեկա­վարը տարբեր տեսչություններում: ՊԵԿ- ում բարձր պաշտոն զբաղեցնելն առաջին հերթին ՊԵԿ ղեկավարի վստահությունը վայելելու հետ է կապված»:

Մանրամասն՝ թերթի այսօրվա համարում: