Հոլիվուդի բրենդը ցանկանում է բերել Հայաստան. Մակքենզին կինոյի ու հեռուստատեսության դպրոց կհիմնի

Կառավարության նիստում օրակարգին անցնելուց առաջ վարչապետ Կարեն Կարապետյանը հանձնարարական տվեց` ասելով, որ վերջերս կառավարությունն առաջարկություն է ստացել միջազգային ճանաչում ունեցող ռեժիսոր և սցենարիստ Դեյվիդ Մակքենզիից Հայաստանում կինոյի և հեռուստատեսության դպրոց հիմնելու վերաբերյալ: Ըստ այդ առաջարկության` այդ դպրոցը հանդես կգա որպես Լոս Անջելեսի կինոյի ու հեռուստատեսության դպրոցի գործընկեր: Նախատեսվում է մինչև 5 միլիոն դոլարի ներդրում անել:

Մշակույթի նախարարին հանձնարարվեց երկշաբաթյա ժամկետում ուսումնասիրել այդ առաջարկությունը, պատասխանել Մակքենզիին, նրան հրավիրել Հայաստան` բանակցելու նպատակով: