Հիվանդանոց տեղափոխված աշակերտների վիճակը բավարարին մոտ է. մանրամասներ

Տեղեկացրել էինք, որ այսօր Արմավիրի մարզում արտակարգ դեպք է տեղի ունեցել. Արտաշարի միջնակարգ դպրոցից 7 աշակերտ թունավորման ախտանիշներով տեղափոխվել է Մեծամորի հիվանդանոց:

Yerkir.am-ին հիվանդանոցից տեղեկացրեցին, որ սկզբում հիվանդանոց է տեղափոխել 8 երեխա: «Երեքին ուղղակի հետազոտեցինք ու հոսպիտալացնելու կարիք չկար, իսկ մյուս հինգին տեղափոխեցինք վերակենդանացման բաժանմունք: Այժմ երկու աշակերտի վիճակն արդեն լավ է` այսօր դուրս կգրվեն, իսկ երեքը դեռ վերակենդանացման բաժանմունքում են: Աշակերտների մոտ գլխապտույտ ու սրտխառնոց էր` թունավորմանը բնորոշ ախտանիշներ: Նրանց վիճակը բավարարին մոտ է»,- ասացին հիվանդանոցից: 

Հիշեցնենք, որ, ըստ նախնական տվյալների, երեխաների ինքնազգացողության վատացման պատճառը գազից թունավորումն է: