Քենիայի կառավարությունը երաշտի կապակցությամբ ազգային աղետ է հայտարարել

Քենիայի կառավարությունը երաշտի կապակցությամբ ազգային աղետ է հայտարարել և պարենային օգնության համար դիմել համաշխարհային հասարակայնությանը, հայտնում է ТАСС-ը:

«Մենք հորդորում ենք միջազգային գործընկերներին՝ աջակցել իրադրությունը կարգավորելու կառավարության ջանքերին», - ասված է նախագահ Ուհուրու Քենիատայի հայտարարության մեջ: Կարմիր խաչի գնահատումներով՝ պարենային օգնության կարիք ունի մոտ 2,7 մլն մարդ:

Քենիատան չի ասել, թե որքան գումար Է անհրաժեշտ: Հայտարարության մեջ նշվում է, որ կառավարությունն արդեն հատկացրել է 70 մլն դոլար: Օգնություն է պահանջվում երկրի արևելաաֆրիկյան երկրի 47 տարածաշրջաններից 23-ին:

«Կառավարությունը մտադիր է ավելացնել օգնությունը՝ տրամադրելով կրկնակի ավելի սննդամթերք և կանխիկ վճարումներ», - ասված է հայտարարության մեջ:

ՄԱԿ-ի Համաշխարհային պարենային ծրագիրը հայտարարել է, որ իրեն 22 մլն դոլար չի բավականացնում առաջիկա ինն ամիսներին աջակցություն ցուցաբերելու համար, ներառյալ դպրոցական սննդի տրամադրումը 428 հազար աշակերտների: