Արթուր Բաղդասարյանը մուրաբաներից անցել է խմիչքներին. «Ժողովուրդ»

«Ժողովուրդ» թերթը գրում է. «Արթուր Բաղդասարյանի հիմնած «Հայկական վերածնունդ» կուսակցությունը` նախկին ՕԵԿ-ը փոխել է իր աշխատաոճը. Կուսակցությունը սկսել է ոչ թե մուրաբաներ բաժանել, այլ ալկոհոլային խմիչք, բնական հյութեր: «Ժողովուրդ» օրաթերթը տեղեկացավ, որ ՀՎԿ-ն իր մարզային կուսակից ընկերներին որպես ամանորյա նվեր բաժանել է ալկոհոլային խմիչք` ռոմ և բնական հյութեր: Բնականաբար դրանք բոլորն էլ եղել են  Արթուր Բաղդասարյանին պատլանող «Հայասի գրուպ» ընկերության արտադրանքը: Իսկ ահա «Բարգավաճ Հայաստան» կուսակցությունը որոշ մարզերում իր կուսակից ընկերներին որպես ամանորյա նվեր բաժանել է մեկ պարկ ալյուր և ձեթ»:

Մանրամասները` թերթի այսօրվա համարում: