Ճապոնիան Հարավչինական ծովում լարվածություն է հրահրում. Չինաստանի ԱԳՆ

Չնայած Հարավչինական ծովում իրավիճակի կայունացմանն ու բարելավմանը՝ Ճապոնիան ամեն դեպքում այդ տարածաշրջանում լարվածություն է հրահրում, ինչը վկայում է ստոր մտադրությունների եւ անառողջ տրամադրվածության մասին։ Այս մասին ասել է Չինաստանի ԱԳՆ ներկայացուցիչ Հուա Չունյինը, փոխանցում է «Սինհուա» գործակալությունը։

Հուա Չունյինը նշել է, որ Չինաստանը հաշվի է առնում այն, որ Ֆիլիպինների նախագահ Ռոդրիգո Դուտերտեն, ստանձնելով պաշտոնը, ինքնուրույն եւ անկախ արտաքին քաղաքականություն է վարում, զարգացնում այլ երկրների հետ համագործակցությունը հավասարության եւ փոխադարձ հարգանքի հիման վրա։ Չինական կողմը հավանություն է տալիս դրան։