Ստամբուլյան ահաբեկչի բնակարանում 150 հազար դոլար է հայտնաբերվել

Թուրքիայի ոստիկանությունը որոնումների ընթացքում 150 հազար դոլար է հայտնաբերել Աբդուլհադիր Մաշարիպովի բնակարանում: Տղամարդը կասկածվում է Ստամբուլի Reina գիշերային ակումբի վրա հարձակում իրականացնելու մեջ:

Հետաքննության նախնական տվյալների համաձայն` ահաբեկիչն այս գումարը ենթադրաբար ստացել է 39 մարդ սպանելու համար: Այս մասին հաղորդում է Hurriyet թերթը:

Իրավապահ մարմինները կարծիք են արտահայտել, որ ահաբեկչական ակտն իրականացնելու կասկածյալը չի կարողացել վերցնել գումարը բնակարանից, քանի որ ոստիկանությունը լայնամասշտաբ որոնողական գործողություններ է իրականացնելիս եղել նրան գտնելու համար: Սրանից կարող է հետևել, որ Մաշարիպովը հանցագործությունն իրականացրել է գումարի համար, այլ ոչ թե գաղափարական պատճառներով:

Հիշեցնենք, որ Ամանորի գիշերը Ստամբուլի Reina ակումբում զինված հարձակում է տեղի ունեցել: