Հզոր պայթյուն՝ Դիարբեքիրի ոստիկանական շտաբի շենքի մոտակայքում. վիրավորների թիվը 30-ից ավելի է

Ներկայիս Թուրքիայի տարածքում գտնվող հայկական Տիգրանակերտ (Դիարբեքիր) քաղաքի Բաղլար թաղամասում հզոր պայթյուն է որոտացել:

Ըստ Demokrathaber-ի՝ պայթյունն իրականացվել է ոստիկանական շտաբի շենքի մոտակայքում, որի հետևանքով վնասվել են տարածքում գտնվող շենքերը: Նախնական տեղեկությունների համաձայն` կա 1 զոհ և ավելի քան 30 վիրավոր:

Դիարբեքիրի նահանգապետարանը հայտարարել է, որ կատարվածը ահաբեկչություն է, որը կազմակերպել է Թուրքիայում ահաբեկչական համարվող` Քուրդիստանի բանվորական կուսակցությունը՝ օգտագործելով պայթուցիկով բեռնված մեքենա:

Հավելյալ նշենք, որ օրեր առաջ իշխանությունների հրամանով ձերբակալվել էր Դիարբեքիրի քաղաքապետը: