Աճել է զոհերի եւ վիրավորների թիվը

 Ղարաբաղում ճանապարհատրանսպորտային պատահարների թվի աճը պայմանավորված է ամեն տարի հանրապետություն ներկրվող տրանսպորտային միջոցների թվաճով, որոնց զգալի մասը հին է եւ գտնվում է անսարք վիճակում, այս կարծիքն է արտահայտել ԼՂՀ ոստիկանության շտաբի պետ, ոստիկանության գնդապետ Բորիս Ենգիբարյանը:

Նա «Ազատ Արցախ»-ին տված հարցազրույցում նշել է նաեւ, որ որոշակի դեր են խաղում նաեւ ճանապարհների թույլ թողունակությունն ու համապատասխան նշանների բացակայությունը:    

Ոստիկանության տվյալներով` հանրապետության տարածքում 2009թ. առաջին 9 ամսիների համեմատ 2010թ. նույն ժամանակահատվածում 2-ով աճել է ճանապարհատրանսպորտային պատահարների, 7-ով զոհերի եւ 5-ով վիրավորների թիվը: Պատահարների աճն արձանագրվել է Ստեփանակերտ քաղաքում եւ Ասկերանի շրջանում, ինչը կազմում է ընդհանուրի 68,4 տոկոսը: