Դա իր որոշման խնդիրն է. ՕԵԿ-ը՝ Ծառուկյանի վերադարձի մասին

Գագիկ Ծառուկյանի որոշումը նրա որոշումն է: «Իսկ մեր ձայները մերն են, ինչը պայմանավորված է այն աշխատանքի հետ, որ մենք կատարում ենք: Իհարկե, ընտրապայքար մշտապես կա, սակայն մտավախություն, որ որևէ մեկը կգա՝ խլելու մեր ձայները, մենք չունենք»,- այսօր խորհրդարանում ճեպազրույցների ընթացքում ասաց ԱԺ ՕԵԿ խմբակցության քարտուղար Մհեր Շահգելդյանը՝ պատասխանելով հարցին, թե մտավախություն չկա՞, որ եթե ԲՀԿ նախկին ղեկավար Գագիկ Ծառուկյանը վերադառնա քաղաքականություն, կարող է իրենցից ձայներ խլել:

Հարցին, թե Ծառուկյանն ի՞նքն է որոշում վերադառնալ, թե իշխանությունից է արգելքը հանվում, պատգամավորը նույն պատասխանը տվեց. «Դա իր որոշման խնդիրն է, իր վերադարձի կամ չվերադառնալու որոշումն ինքը պետք է կայացնի»:

Հարցին՝ կա՞ Ծառուկյանի կարիքը, Շահգելդյանը պատասխանեց. «Մարդը, երբ մտնում է քաղաքականություն, մտածում է՝ ինքն անելիքներ ունի՞, թե՞ ոչ»: