Ռոման Ասխաբաձեն հեռացավ «Բանանց»-ից

«Բանանց»-ի գլխավոր տնօրեն Ռոման Ասխաբաձեն հեռանում է զբաղեցրած պաշտոնից:

Ակումբի մամուլի ծառայության հետ զրույցում նա հետևյալ կերպ է մեկնաբանել այդ որոշումը. «Շնորհակալ եմ ամբողջ թիմին և աշխատակիցներին կատարված աշխատանքի համար: Ստեղծված է հիանալի կոլեկտիվ, որն ի զորու է լուծել իր առջև դրված խնդիրները: Ինձ համար շատ հաճելի էր աշխատել լավ մակարդակի պրոֆեսիոնալների հետ, և մեր տիտղոսն ու Եվրոպա լիգայի ուղեգիր նվաճելը դրա ապացույցն են: Ընձեռված հնարավորության և պրոֆեսիոնալ մոտեցման համար շնորհակալ եմ նաև ակումբի բաժնետերերին: Ցանկանում եմ շնորհակալություն հայտնել նաև Հայաստանի ֆուտբոլի ֆեդերացիային»:

Ռոման Ասխաբաձեն «Բանանց»-ի գլխավոր տնօրենի պաշտոնը զբաղեցնում էր 2015 թվականի սեպտեմբերից: