Փոստանջյանը նեղսրտել է

Այսօր խորհրդարանում ճեպազրույցների ընթացքում «Ժառանգություն» խմբակցության պատգամավոր Զարուհի Փոստանջյանն անցած քառօրյան ամփոփելիս ընդգծեց, որ այն հիշարժան էր նրանով, որ պատգամավորներին մինչև քվեարկությունը կարծիք արտահայտելու հնարավորություն չտրվեց:

Փոստանջյանը նշեց, որ ինքը մինչև քվեարկությունը ցանկանում էր արտահայտել «Ժառանգություն» կուսակցության կարծիքը և հայտնել, որ դեմ են ԸՕ նախագծին: «Մինչդեռ «Ժառանգություն» խմբակցության պատգամավորները կողմ քվեարկեցին նախագծին և չկիսեցին կուսակցություն կարծիքը»,- ասաց նա:

Ուշագրավ է, որ «Ժառանգություն» խմբակցության 5 պատգամավորներից միայն Փոստանջյանն է կուսակցական:

Նա անդրադարձավ նաև սահմանային իրավիճակին և նշեց. «Լայնածավալ ռազմական գործողություններ սահմանին մեզ դեռ սպասվում են, և ես ցավով եմ նշում, բայց պետք է ասեմ, որ մեր դիվանագիտությունը ձախողել է, և դա է հենց պատճառը, որ լայնածավալ գործողությունները կարող են վերսկսվել: Ադրբեջանը դիմում է ՄԱԿ-ին` չեղարկելու 94 թվականի հրադադարի պայմանագիրը, սա պարզապես ուղերձ է, որ գործողությունները վերսկսվելու են: Մենք պետք է առաջին հերթին ճանաչեինք Արցախի անկախությունը և ամեն ինչ անեինք, որ ուրիշ երկրներ էլ ճանաչեն»,- ասաց Փոստանջյանը: