ԵԱՀԿ ԽՎ֊ում իմ ելույթից նեղսրտել է այն ուժի ներկայացուցիչը, որի քաղաքական կենսագրությունից երբեք չի ջնջվելու Արցախի ցեղասպանության և կորստի խարանը. Լիլիթ Գալստյան

ՀՅԴ Հայաստանի Գերագույն մարմնի անդամ, ՀՀ ԱԺ «Հայաստան» խմբակցության պատգամավոր Լիլիթ Գալստյանը գրում է.

«Որոշ քպ-ականներ, մասնավորապես ԵԱՀԿ-ում Հայաստանի պատվիրակության փոխարինող անդամը, ծանր են տարել ԵԱՀԿ խորհրդարանական վեհաժողովում խոսքս, ուր անդրադարձել եմ Հայաստանի խորացող բռնատիրությանը, ոստիկանական բռնաճնշումներին, խոշտանգումներին, ոչ իրավական գործողություններին, երկրում խորացող ինստիտուիցիոնալ ջարդին։

Նեղսրտել է այն ուժի ներկայացուցիչը, որի քաղաքական կենսագրությունից երբեք չի ջնջվելու Արցախի ցեղասպանության և կորստի խարանը։

Նեղսրտել են այն ուժի ներկայացուցիչները, որոնց խղճին 5000 հայ երիտասարդի արյուն է, կորսված 3000ամյա Արցախ աշխարհը, փախստականի ճակատագրին արժանացած 150000 հայերի ցավը։

Բոլոր կալիբրի քպ-ականներ, դժվար թե հասկանաք, որ նիկոլը Հայաստանը չէ, ոչ էլ ՝ Հայոց պետությունը։

նիկոլին ձեր կարճատես հավատարմությունը՝ չփորձեք և չհամարձակվեք տարածել իմ կամ որևէ իրական ընդդիմադիրի վրա։

Էդ ապաքաղաքական, քստմնելի վարքով ինձ չեք լռեցնի։

Ամաչեք և պապանձվեք այն իրականության ու մղձավանջի համար, որ փաթաթեցիք Հայ ժողովրդի վզին։

Եվ լավ եմ արել, և շարունակելու եմ խոսել․ իմը պետությունն է, ձերը՝ նիկոլը։

Իմացեք՝ միանշանակ գալու է պատասխան տալու ժամանակը։

Հ․Գ․ Ի դեպ, այսօր, Երևանում տեղի ունեցող Ժողովրդավարության հայկակական ֆորումի ժամանակ, Freedom House-ի ղեկավարության մասնակցությամբ, ինստիտուցիոնալ ժողովրդավարությունն էին քննարկում՝ առանց ընդդիմության։

Սա ուղղակի նողկալի է, սա ժողովրդավարության իրական ոտնահարում է, երկակի ստանդարտների խայտառակ պատկեր․․․

Նաև սույն քպ-ական Ա․ Հովհաննիսյանը ամիսներ առաջ պնդում էր, թե Հայաստանի հանրապետության ժողովրդավարության մակարդակը freedom house-ի որոշելիքը չէ։

Այսօր նիկոլ փաշիյանը այս նույն կազմակերպության ղեկավարի՝ Մ․ Բեհենդիտի հետ ժողովրդավարության խնդիրներն էր քննարկում․․․․»: