ԱԱԾ-ն կմիջնորդի կալանավորել ՊՆ նախկին փոխնախարարին

Կենտրոն և Նորք-Մարաշ վարչական շրջանների ընդհանուր իրավասության դատարանն այսօր կքննի նոյեմբերի 25-ին Նորք-Մարաշում վնասազերծված հանցախմբի գործով ձերբակալված` ՊՆ նախկին փոխնախարար Վահան Շիրխանյանի խափանման միջոցի ընտրության հարցը: Yerkir.am-ի տեղեկություններով՝ ԱԱԾ-ն կմիջնորդի կալանավորել Շիրխանյանին:

Ավելի վաղ հայտնել ենք, որ  Հայաստանի Հանրապետության ազգային անվտանգության ծառայության քննչական վարչության վարույթում քննվող քրեական գործով, ՀՀ քրեական դատավարության օրենսգրքի 129-րդ հոդվածով սահմանված կարգով,  դեկտեմբերի 19-ին ձերբակալվել է ՀՀ պաշտպանության նախարարի նախկին տեղակալ Վահան Գրիգորի Շիրխանյանը, որը կասկածվում է Արթուր Վարդանյանի կողմից ստեղծված հանցավոր համագործակցությանը մասնակցելու, դրա օգտին գործելու, կոնկրետ հանձնառություն և դերակատարություն ունենալու մեջ, նախատեսված` ՀՀ քրեական օրենսգրքի 223-րդ հոդվածի 2-րդ մասով: