ԱՄՆ-ը արձագանքել է Էրդողանի «սելֆիին»

Թուրքիայում ոստիկանությունը խուզարկել էր Nokta ամսագրի խմբագրատունը՝ հերթական համարի` շապիկին Էրդողանի ֆոտոշոփային «սելֆին», հրատարակելուց կարճ անց:

T24-ի հետ զրույցում ԱՄՆ ԱԳ նախարարության պաշտոնյան անդրադարձել է խմբագրատան վրա ոստիկանության հարձակմանը՝ կոչ անելով Թուրքիային` հարգել մամուլի ազատությունն ու տեր կանգնել երկրի իրական արժեքներին:

Ամերիկացի պաշտոնյան թուրքական կայքի հետ զրույցում հայտնել է, որ իրենք տեսել են ամսագրի խմբագրատան վրա հարձակման մասին լուրերը: Նա Թուրքիային հիշեցրել է իրենց իսկ Սահմանադրության մեջ նշված «մամուլի ազատության» նկատմամբ հարգանք ցուցաբերելու կարևորության մասին:

Հիշեցնենք, որ Nokta ամսագիրը Էրդողանի լուսանկարն օգտագործել էր իր շապիկի վրա, որում Թուրքիայի նախագահը իբր սելֆի էր անում սպանված զինվորների դագաղների ֆոնին: