Մեր այստեղ մնալը երաշխիք չէ երիտասարդների համար. Նիկոլ Փաշինյան

«Թեեւ կենդանի պատի նպատակը բախումներ եւ արյունահեղություն թույլ չտալն է, այդուհանդերձ մեր այստեղ մնալը որեւէ երաշխիք չի կարող լինել այս երիտասարդների անվտանգության համար»,- Բաղրամյան պողոտայում լրագրողներին ասաց Նիկոլ Փաշինյանը: Հարցին՝ այդ դեպքում ինչ նպատակով եք մնում այստեղ, նա պատասխանեց. «Դա կապ չունի, ես երրորդ օրն է՝ այստեղ եմ, եւ որքան ֆիզիկապես կարողանամ, կմնամ»:

Պատգամավորը նաեւ ընդգծեց, որ թեեւ ռուսական հեռուստաալիքները այս ամենը ներկայացնում են որպես մայդան, այդուհանդերձ սա քաղաքական պայքար չէ եւ պետք չէ քաղաքական ներկայացնել այն: Նա նշեց, որ  մեր բողոքն ապրանք արտադրողի դեմ է, ում ծառայությունից մենք դժգոհ ենք: