Նոր Նորքի բաժնում ԱՄՆ քաղաքացի և անչափահաս կա

Այս պահին ոստիկանության Նոր Նորքի բաժնում 55 անձ է պահվում: Նրանք թվում է 14 տարեկան անչափահաս տղա և ԱՄՆ մի քաղաքացի: Այս մասին քիչ առաջ լրագրողների հետ ճեպազրույցում ասաց պատգամավոր Նիկոլ Փաշինյանը: Նա հայտնեց, որ տեսակցել է այստեղ պահվող գրեթե բոլոր ակտիվիստներին և տեսել, որ վնասվածքներ ստացածներ կան: Պատգամավորը նշեց, որ ակտիվիստներից մեկի մոտ բժիշկները ներքին արյունահոսության նախանշաններ էին հայտնաբերել:

Փաշինյանի խոսքով` Նոր Նորքի բաժնում գտնվող բոլոր ակտիվիստները խուլիգանության հատկանիշներով հարուցված քրեական գործով վկայի կարգավիճակ ունեն: Նա հավելեց, թե ոստիկանության բաժնում իրեն հավաստիացրել են` ակտիվիստներին բաժնում 3 ժամից ավելի պահելը պայմանավորված է եղել տեխնիկական խնդիրներով, քանի որ քննիչները քիչ են եղել, իսկ բերման ենթարկվածները` շատ. արձանագրություններ կազմելու և հարցաքննելու համար ժամանակը չի բավականացնում:

Պատգամավորը հորդորել է բաժնում պահվող անչափահասին և կանանց գոնե արագ հարցաքննել ու ազատ արձակել:

Տեսանյութն` ավելի ուշ