Լարված իրավիճակ` ոստիկանության Նոր Նորքի բաժնում

Այս պահին լարված իրավիճակ է ոստիկանության Նոր Նորքի բաժնում: Yerkir.am-ի լրագրողը հայտնում է, որ քիչ առաջ վատացավ ակտիվիստներից Եղիա Ներսիսյանի ինքնազգացողությունը: Նրա համար շտապօգնության բրիգադ է հրավիրվել, բժիշկներն օգնություն են ցուցաբերում ակտիվիստին:

Քիչ առաջ ոստիկանները թույլ չէին տալիս ակտիվիստներից Վաղինակ Շուշանյանի փաստաբանին տեսակցել նրան, ինչն առաջացրեց Վաղինակի մոր զայրույթը: Նա բռունցքով հարվածեց ճաղապատ դռանը` բղավելով` բացեք դուռը:

Մեր լրագրողը տեսել է, որ բաժնում գտնվող ակտիվիստները տարբեր վնասվածքներ ունեին: Նրանցից մեկի աչքը կապտած է: Հարցին` բաժանմունքո՞ւմ են քեզ ծեծել, ակտիվիստը չի հասցրել պատասխանել, քանի որ նրա տարել են:

Պատգամավոր Նիկոլ Փաշինյանը դեռևս դուրս չի եկել բաժանմունքից: Մինչ այս պահը ոչ մի ակտիվիստ ազատ չի արձակվել, թեև նրանք արդեն այդտեղ են 7 ժամ, ինչն օրենքի կոպիտ խախտում է: 

Ակտիվիստներից մի քանիսին տեղափոխում են նարկոդիսպանսեր` ստուգելու օրգանիզմում ալկոհոլի ազդեցությունը: