Էլեկտրաէներգիայի թանկացումը վատ բան չէ. Մաքսիմ Հակոբյան

Քաջարանի պղնձամոլիբդենային կոմբինատի նախկին տնօրեն Մաքսիմ Հակոբյանը Yerkir.am-ի հետ զրույցում, անդրադառնալով էլեկտրաէներգիայի թանկացմանը, հայտարարեց, որ դրա մեջ որևէ վատ բան չկա: «Էլեկտրաէներգիայի թանկացումը վատ բան չէ: Ոչինչ, վաղը մի հատ էլ է թանկանալու, հո տե՞նց չի մնալու: Կարող էր նաև չթանկանալ, դա արդեն վերլուծության խնդիր է»,- նշեց Հակոբյանը: Դիտարկմանը, թե միգուցե ՀԷՑ-ի ղեկավարի սխալ մենեջմենթի արդյունքո՞ւմ է էլեկտարէներգիայի սակագինը բարձրացել, Մաքսիմ Հակոբյանը պատասխանեց. «Այո, իհարկե, կապ ունի նաև այն, որ սխալ է կառավարվել ՀԷՑ-ը»:

Հարցին, թե կարո՞ղ են արդյոք Բիբինի սպառնալիքները (6,93 դրամ սակագինը չի կարող որակյալ էլեկտրաէներգիա ապահովել և ՀԷՑ-ը կարող է լիցենզիայից հրաժարվել) իրականություն դառնալ, Հակոբյանը պատասխանեց. «Կոնկրետ բաների մասին խոսեք»:

Yerkir.am-ի հարցին, թե որպես ՀՀ քաղաքացի, չի՞ անհանգստանում արդյոք էլեկտրաէներգիայի սակագնի բարձրացումից, Հակոբյանը պատասխանեց. «Դա սովորական բան է: Մարդ ամեն ինչին պետք է պատրաստ լինի»: