Փայլակ Հայրապետյանը տեղյակ չէ, որ նախկին վարչապետն իրեն դատի է տվել

Արդեն հայտնել ենք, որ ՀՀ նախկին վարչապետ, ԱՄՆ-ում ՀՀ դեսպան Տիգրան Սարգսյանը դատի է տվել գործարար Փայլակ Հայրապետյանին՝ նրան մեղադրելով իրեն զրպարտելու մեջ: Նախկին վարչապետը պահանջում է գործարարից բռնագանձել 1 մլն դրամ:

Այս կապակցությամբ yerkir.am-ը զրուցեց Փայլակ Հայրապետյանի հետ: Նա մեզ հայտնեց, որ տեղյակ չէ հայցից, և որ այդ հարցերով զբաղվում է փաստաբանը՝ Արմենը: Նշենք, սակայն, որ տևական ժամանակ է այդ փաստաբանը չի իրականացնում Հայրապետյանի շահերի պաշտպանությունը: Արդյո՞ք Հայրապետյանն այս գործով ներկայացուցիչ ունի, թե՞ ոչ, պարզ կդառնա հունիսի 9-ին՝ Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում՝ այս գործով առաջին դատական նիստի ընթացքում:

Նշենք, որ Տիգրան Սարգսյանի ներկայացուցիչն է «Կոնցեռն-Դիալոգ» փաստաբանական գրասենյակի ավագ գործընկեր Արամ Օրբելյանը: