Լուկաշենկոն մայիսի 9-ին Մոսկվա չի գնա

Բելառուսի նախագահ Ալեքսանդր Լուկաշենկոն չի մասնակցի մայիսի 9-ին հաղթանակի օրվան նվիրված մոսկովյան շքերթին:  Նա շքերթ կընդունի Մինսկում: Լուկաշենկոն ասել է, թե զինվորական շքերթը, որ անցկացվելու է Մինսկում, իրավունք ունի ընդունելու միայն երկրի գերագույն գլխավոր հրամանատարը:

Ինչպես գրում է Ռիա Նովոստի-ն Լուկաշենկոն հայտարարել է, որ մայիի 7-8-ը կայցելի Մոկվա եւ կարող է մասնակցել  Անհայտ զինվորի հուշարձանին ծաղկեպսակ դնելու արարողությանը:

Միեւնույն ժամանակ Լուկաշենկոն  մեղադրել է այն քաղաքական գործիչներին,ովքեր կարող են, բայց ներկա չեն լինելու Մոսկվայի տոնական շքերթին:

«Ես չեմ հասկանում այն քաղաքական գործիչներին, ովքեր ամբիցիոզ հայտարարում են, որ չեն գալու Մոսկվա՝ տոնելու հաղթանակը, չնայած նախկինում խոստացել են: Այլ հարց է, երբ դու տանը գործեր ունես»,- ասել է Բելառուսի նախագահը: