Պորոշենկոն մեկնում է Մինսկ՝ անհապաղ խաղաղություն հաստատելու

Ուկրաինայի նախագահ Պյոտր Պորոշենկոն հայտարարել է, որ Մինսկ է գնում, որպեսզի առանց որևէ պայմանների դադարեցնի կրակը և քաղաքական երկխոսություն սկսի: Այդ մասին ասվում է Ուկրաինայի նախագահի կայքում:

«Մենք երկրի ներսում կհասնենք փոխզիջման: Մենք պետք է պաշտպանենք խաղաղությունը, պաշտպանենք Կրամատորսկ քաղաքի անդորրը, պետք է պաշտպանենք Ուկրաինան: Եվ հենց այդ պատճառով եմ ես գնում Մինսկ՝ անմիջապես, առանց որևէ պայմանի անհապաղ կրակը դադարեցնելու և քաղաքական երկխոսություն սկսելու: Մենք ինքներս գլուխ կհանենք»,- ասված է հաղորդագրության մեջ:

Նշենք, որ ավելի վաղ Պորոշենկոն հայտարարել էր, որ անջատողականների կողմից Կրամատորսկի գնդակոծության ժամանակ 16 մարդ է զոհվել: