Ամանորյա գնումներից հետո պատգամավորի գրպանում գումար չի մնացել

Yerkir.am-ի հումորային բլից հարցերին պատասխանում է ԱԺ ՀՀԿ խմբակցության պատգամավոր Լեւոն Մարտիրոսյանը: (Նշենք, որ նա հայտնի հումորիստ Գարիկ Մարտիրոսյանի եղբայրն է):

-Ամանորի գիշերը շա՞տ խմեցիք:
-Ալկոհոլային խմիչք չեմ օգտագործում:

- Քանի՞բաժակից եք հարբում:
-Հետևաբար` չեմ հարբում:

- Ի՞նչն է օգնում դուրս գալ խումարից:
-Հետևաբար` խումհարի մեջ չեմ հայտնվում:

-Ամենաուրախ, ամենահիշվող Նոր տարին:
-Երբ ես 5 տարեկան էի:

-Իսկ ամենատխուրը:
-Ամանորը տխուր չի լինում:

-Ամենաթանկ ամանորյա նվերը (գումարի առումով), որ ստացել եք:
-Կարծում եմ՝ դեռ առջևում է:

-Ամենաօրիգինալ նվերը:
-Դա ևս դեռ առջևում է:

-Տոնը ստացված է, երբ...
-Ընտանիքս միասին է:

- Առանց ինչի՞ չեք պատկերացնում Ամանորի սեղանը:
-Ավանդական թփով տոլմայի:

- Ձմեռ պապն առանց Ձյունանուշի, ինչպես …
-Ինչպես Ազգային ժողովն առանց կին պատգամավորների:

-Ձմեռ պապ լինելու բախտին երբեւէ արժանացե՞լ եք:
-Ցավոք, դեռ ոչ, բայց ամեն ինչ դեռ առջևում է:

- Զոքանչի համար ի՞նչ գնեցիք:
-Մեծ ծաղկեփունջ:

-Ամանորյա գնումներից հետո, մինչեւ հաջորդ աշխատավարձը, գրպանում գումար մնա՞ց:
-Ոչ:

- Հետևեցի՞ք, թե ով որքան կերավ Ձեր՝ Նոր տարվա սեղանից:
-Ոչ:

-Ամանորի սեղան գցել գործում Ձեր բաժինը:
-Չեմ մասնակցում այդ գործին:

- Եղա՞ն մարդիկ, որ մտքում հաշվեցին Ձեր ամանորյա սեղանի արժեքը:
-Հաստատ:

- Միջինը քանի՞բոնբոներկա եք նվիրում հյուր գնալիս:
- Միջինը մեկ բոնբոներկա:

-Ձեզ նվեր բերած բոնբոներկան քանի՞անգամ եք ուրիշին նվեր տարել:
-Միշտ հենց այդպես եմ վարվում, քանի որ քաղցր չեմ օգտագործում:

- Ինչպե՞ս կարելի է ապրել մարդավարի, եթե յուրաքանչյուր տարի որևէ կենդանու տարի է:
-Հենց այդ պատճառով շատերի մոտ չի ստացվում մարդավարի ապրել, բայց, իհարկե, ոչ միայն այդ պատճառով:

- Ոչխարից (այս տարի այդ կենդանակերպ տարին է) ի՞նչ ակնկալիքներ ունեք:
-Ակնկալում եմ, որ 2015 թվականը լինի ձեռքբերումներով, հաջողություններով ու սիրով լի տարի, և երբ գա տարին ամփոփելու ժամանակը, հաստատենք, որ տարին իսկապես յուրաքանչյուրիս համար լի է եղել նոր ձեռքբերումներով, հաղթանակներով ու նվաճումներով: