Պետբյուջեից որքա՞ն գումար են ծախսել գերատեսչություններն ամանորյա բացիկների համար. «Ժողովուրդ»

«Ժողովուրդ» թերթը գրում է. «ՀՀ գերատեսչությունները շարունակում են Ամանորի համար բացիկներ գնել՝այդ նպատակով պետբյուջեից ծախսելով հարյուր-հազարավոր դրամներ: «Ժողովուրդ»-ին հայտնի դարձավ որ Արարատի մարզպետարանն այդ նպատակով ծախսել է 575 հազար դրամ: Մարզպետարանը «Կոոպ «էլեկտրիկ» Ս. Գրիգորյան» անվանումով կազմակերպությունից գնել է 145 հատ 2 հազար 500 դրամ և 60 հատ 2 հազար դրամ արժողությամբ բացիկներ, 41 հատ 800 դրամ և 30 հատ էլ 2 հազար դրամ արժողությամբ նոթատետրեր:

ՀՀ տրանսպորտի և կապի նախարարությունն իր հերթին «Գրաֆիկա–Ա» ՍՊԸ-ից գնել է 800 հատ ամանորյա բացիկ՝ այդ նպատակով ծախսելով 480 հազար դրամ, հատը՝ 600 դրամ: Այսինքն՝ ակնհայտ է, որ բացիկների հարցում էլ գերատեսչությունները մեկը մյուսի հետ մրցակցում են, թե ով ավելի ճոխ բացիկ կգնի»:

Մանրամասները՝ թերթի այսօրվա համարում։