Բելառուսը որոշել է 2 պատվավոր հյուպատոսություն բացել ԱՄՆ-ում

Բելառուսի իշխանություններն առաջին անգամ որոշել են 2 պատվավոր հյուպատոսություն բացել ԱՄՆ-ի տարածքում: Դրանցից մեկը կգործի Ֆլորիդա նահանգում, մյուսը` Տեխասում: Այդ մասին  РИА Новости-ին հայտնել է Ֆլորիդայում Բելառուսի  հյուպատոս Միխայիլ Մորգուլիսը:

Նրա խոսքով`Բելառուսի ԱԳՆ-ի ղեկավարի հրամանը ստորագրվել է մի քանի շաբաթ առաջ: Այժմ տվյալ որոշումը պետք է հաստատվի ԱՄՆ պետդեպարտամենտի կողմից: Սպասվում է, որ դա տեղի կունենա Ամանորից հետո:

«Մենք պետք է փորձենք ներկայացնել Բելառուսն ԱՄՆ-ում»,- բացատրել է Մորգուլիսը: Նա Բելառուսը կարևոր երկիր է համարում, որը յուրահատուկ կամուրջ է Արևելքի և Արևմուտքի միջև: