ԵՏՄ-ին միանալու հարցում հայ հասարակությունը համակարծիք չէ. Независимая газета

Независимая газета-ն անդրադարձել է Հայաստանի՝ ԵՏՄ-ին անդամակցելու գործընթացին: 

«Հայաստանի՝ ԵՏՄ-ին  անդամակցության փաստաթղթերի փաթեթը խորհրդարանի վավերացմանն է ներկայացվելու դեկտեմբերին: Ուշացումը պայմանավորված է տեխնիկական խնդիրներով։ Եվ  հանրապետությունը հունվարից ամեն դեպքում կդառնա ԵՏՄ-ի անդամ:

Երևանում շատ լուրջ են վերաբերվում  անդամակցությանը ԵՏՄ-ին: Կազմակերպության շրջանակներում գործողությունները համակարգելու համար ստեղծվում է միջազգային ինտեգրման ու բարեփոխումների նախարարություն, որը կզբաղվի նաև Հայաստան-ԵՄ համագործակցության հարցերով: Սակայն հասարակության շրջանում ԵՏՄ-ին անդամակցելու կապակցությամբ միասնական տեսակետ չկա: Մեծամասնությունը սատարում է ռուսական ուղղվածությանը, սակայն քիչ չեն նաև հակառակորդները:

Հասարակության տրամադրությունները պարզ են դառնում են նաև ընդդիմադիր ուժերի հանրահավաքից` երկու քաղաքական ուժ կողմ է անդամակցությանը ԵՏՄ-ին, մեկը՝ ոչ: Գրեթե նույն բաժանումն է նաև հասարակության մեջ»,- գրում է թերթը՝ մեջբերելով նաև հայաստանցի  տարբեր փորձագետների կողմից հնչող  դրական և բացասական կարծիքները: