CNN-ը հրապարակել է պատերազմների ընթացքում ոչնչացված պատմական արժեքները Հալեպում, Դեյր Զորում…(ֆոտոշարք)

CNN-ը «Հոյակապ շինություններ, որոնք այլևս չենք տեսնի» վերնագրով հոդվածում հրապարակել է պատմական եւ ճարտարապետական արժեք ունեցող այն 19 շինությունների լուսանկարները, որոնք ավերվել են վերջին պատերազմների ընթացքում:

 Իրաքի Սամարրայի մզկիթը. 9-րդ դար, Բաղդադի հյուսիս` Տիգրիս գետի ափին

 Բամիանի Բուդդաների արձանները. Աֆղանստան. գոյատևել են 1500 տարի, սակայն ոչնչացվել «Թալիբան» շարժման կողմից

Բուսրայի ամֆիթատրոնը. Սիրիա. մոտ 2500-ամյա ամֆիտատրոնը լրջորեն վնասվել է հրթիռակոծությունից

Հալեպի Մեծ մզկիթը. 8-րդ դար, համարվում է աշխարհի ամենահին մզկիթներից մեկը: Այն Սիրիայի` ամենալուրջ վնասը կրած մշակութային ժառանգությունն է:

 Համայի ջրանիվները. 5-րդ դար. դրանցից մի քանիսը 2014-ին հրկիզվել են Սիրիայի ապստամբների կողմից

Հալեպի միջնաբերդը. Սիրիայի ամենահայտնի տեսարժան վայրերից մեկը, որը վերջին շրջանում օգտագործվել է որպես ռազմակայան, դրա մի քանի պատմական շինություններ ավերված են

 Հալեպի շուկան. Արևելքի ամենահին շուկաներից է, հրդեհվել է անցած տարի: ՅՈՒՆԵՍԿՕ-ն այդ  կորուստը ողբերգություն է որակել:

Դեյր Զորի կամուրջը. Եփրատ գետի վրա

Նեբրովթ. Իրաք. ասորական հին քաղաքը հիմնականում թալանվել է ամերիկյան ներխուժումից հետո: Աշխարհի տարբեր թանգարաններում կարելի է տեսնել այնտեղից թալանված նմուշներ:

Կրակ դը Շևալիե. Սիրիա, 11-րդ դար. խաչակիրների բացառիկ ամրոցը Սիրիայում ենթարկվել է օդային ու հրետանային հարվածների, հատկապես՝ 2013 թվականին:

Հունան մարգարեի դամբարանը. Իրաք.  այս տարի պայթեցվել է ԻՇԻՊ-ի կողմից

Խալիդ իբն Վալիդի մզկիթը` Հոմսում. սիրիական այս տեսարժան վայրը հրդեհվել և ավերվել է:

 Փալմիրա. Սիրիա.  2000-ամյա քաղաքը, որը հին աշխարհի ճարտարապետության գոհարներից է, այժմ ավար է դարձել:

Հայոց ցեղասպանության թանգարանը. Սիրիա. 1915 թվականի զոհերի հուշահամալիրը պայթեցվեց ԻՇԻՊ-ի կողմից:

Կիրենե քաղաքը. Լիբիա. Լիբիայի հեղափոխության զոհերից

Իսլամական արվեստի թանգարանը. Եգիպտոս. տուժել է հարևան ոստիկանատան պայթեցումից:

Պակիստանի առաջնորդ Մուհամեդ Ալի Ջիննայի կեցավայրը՝ փայտե պալատը, որը հրդեհվել է անցած տարի:

Ալ Օմարիի մզկիթը. Գազա. 121-ամյա փայտե շինությունը իսրայելական վերջին հարձակումից ավերվել է:

Հին Բեյրութ. 15-ամյա քաղաքացիական պատերազմից հետո Լիբանանի մայրաքաղաքում 1200 պատմական շինություններից 400-ն են մնացել: