Թուրքիայում նույնականացման կեղծ քարտով Հայաստանի քաղաքացի է ձերբակալվել

Սամսունի ոստիկանության հասարակական անվտանգության բյուրոյի աշատակիցներն ահազանգ ստանալուց հետո ստուգումներ են անցկացրել Աթաքումի ռեստորաններից մեկում:

Ըստ Haberler-ի՝ զանգահարողները պնդել են, որ ռեստորանում, որպես ադմինիստրատոր, մեկ թուրք և 5` օտար քաղաքացիությամբ կանայք են աշխատում, ովքեր ոստիկանության ստուգման ընթացքում փորձել են փախչել ռեստորանի հետևի դռնից: Ոստիկաններին հաջողվել է նրանց ձերբակալել և տեղափոխել Սամսունի ոստիկանություն:

Հետաքննության արդյունքում ձերբակալվածներից երեքն ազատ են արձակվել, իսկ երկուսը՝ նույնականացման կեղծ քարտեր ուննալու պատճառով հանձնվել են ոստիկանության՝ համապատասխան հարցերով զբաղվող բաժնին:

Հայտնի է դարձել, որ կանանցից մեկը Հայաստանի քաղաքացի է: Համապատասխան գործողությունների ավարտից հետո նրանք կվտարվեն երկրից: