Այգեպարը եւս գնդակոծվում է

Քիչ առաջ  Yerkir.am-ին տեղեկացրեցին, որ այս պահին գնդակոծության է ենթարկվում Տավուշի մարզի սահմանապահ Այգեպար գյուղը. գնդակոծությունը դեռ չի դադարել: Հակառակորդը Այգեպարի ուղղությամբ կրակում է ոչ միայն ինքնաձիգներից ու գնդացիրներից, այլ կիրառում է նաեւ խոշոր տրամաչափի' ԴՇԿ տեսակի գնդացիր:

Ճշտել, թե ինչ վնասներ է կրել Այգեպարը, yerkir.am-ին չհաջողվեց, քանի որ ինտենսիվ գնդակոծությունը դեռ շարունակվում է եւ կրած վնասների մասին վաղ է խոսել: Մարդիկ ապաստանել են իրենց տների' համեմատաբար ապահով հատվածներում, եւ չեն կարողանում դուրս գալ' պարզելու համար, թե ինչ վնասներ է հասցվում գյուղին:

Հիշեցնենք, որ քիչ առաջ Yerkir.am-ը տեղեկացրեց, որ ինտենսիվ գնդակոծության է ենթարկվում նաեւ Մովսես գյուղը: