Հովհաննես Համբարձումյանն ընկերական խաղում գրավել է ադրբեջանական թիմի դարպասը

Մակեդոնական  «Վարդար»-ը, որի կազմում հանդես են գալիս Հայաստանի ազգային հավաքականի ֆուտբոլիստներ Հովհաննես Համբարձումյանն ու Արտակ Դաշյանը, այսօր ընկերական հանդիպում է  անցկացրել ադրբեջանական «Սիմուրղ»-ի հետ: Հանդիպումն ավարտվել է 2:2 հաշվով: Խաղի հաշիվը բացել է Հովհաննես Համբարձումյանը: Գոլ խփելու հնարավորություն է ունեցել նաև Արտակ Դաշյանը, սակայն նրա հարվածից հետո գնդակը դիպել է դարպասաձողին:

Հիշեցնենք, որ 4 օր առաջ տեղի ունեցած ընկերական խաղում  «Վարդար»-ը 2 անպատասխան գնդակ էր ուղարկել  «Սարաևո»-ի դարպասը, այդ խաղում նույնպես հաշիվը բացել էր Հայաստանի հավաքականի պաշտպան Հովհաննես Համբարձումյանը: