Վազաշեն-Պառավաքար շրջանցիկ ճանապարհի հողային աշխատանքներն ավարտվում են (լուսանկարներ)

Տավուշի մարզի Վազաշեն-Պառավաքար վտանգավոր հատվածում կառուցվող այլընտրանքային շրջանցիկ ավտոճանապարհի հողային պաստառի կառուցման աշխատանքները մոտենում են ավարտին: Եվս 20 մետր, և ճանապարհի երկու հատվածները կմիանան իրար:

Այլընտրանքային ճանապարհահատվածը կունենա 3.2 կմ երկարություն և 6-7 մետր լայնություն: Այն Վազաշեն-Պառավաքար հատվածում ճանապարհի երկարությունը կկրճատի մոտ 2 կիլոմետրով:

Կիրառված նախագծային լուծումներն ապահովում են ճանապարհահատվածի անվտանգությունը: Այդ նպատակով ճանապարհամերձ որոշակի հատվածներում կառուցվել են արգելապատնեշներ:

Շինարարական աշխատանքներն իրականացնող Իջևանի ճանշինի ավագ աշխղեկը ճանապարհի կառուցման ընթացքից գոհ է, սակայն նշում է, որ կան նաև դժվարություններ՝ հիմնականում կապված են պայթեցման աշխատանքների հետ: Այս մասին հայտնում է ՀՀ տրանսպորտի և կապի նախարարության լրատվական ծառայությունը: