Ի՞նչ գործ ունի Պուտինն Ուկրաինայում. Լուկաշենկո (ՏԵՍԱՆՅՈՒԹ)

Արդեն  հայտնել ենք, որ Բելառուսի նախագահ Ալեքսանդր Լուկաշենկոն հարցազրույց է տվել  Дождь-ի հաղորդավարուհի Քսենիա Սոբչակին :

Խոսելով Ուկրաինայի արևելքում անցկացված հանրաքվեների մասին՝ Լուկաշենկոն նշել է, որ  չի ճանաչում մայիսի 11-ին Ուկրաինայի Դոնեցկի և Լուգանսկի շրջաններում տեղի ունեցած հանրաքվեների արդյունքները: «Իրավունքի տեսանկյունից` Դոնեցկի և Լուգանսկի դաշնայնացման հանրաքվեները ոչ մի նշանակություն չունեն: Ցանկացած հանրաքվե պետք է անցկացվի Սահմանադրության հիման վրա»,- ասել է նա:

Լուկաշենկոն նշել է, որ Ուկրաինան իսկական անհատականության, ազգային առաջնորդի կարիք ունի: «Գնացեք, խոսեք ցուցարարներ հետ, մի կրկնեք Յանուկովիչի սխալը»,- ասել է նա:

Սոբչակը հետաքրքրվել է՝  ո՞վ պետք է գնա, Պուտի՞նը, ի պատասխան Լուկաշենկոն հայտարարել է.  «Ինչո՞ւ Պուտինը, Կիևի իշխանությունները, ի՞նչ գործ ունի այնտեղ Պուտինը, դա օտար երկիր է, ո՞վ  է նրան սպասում այդ երկրում»: