«Վերնիսաժ»-ում վիրավորվածների կյանքին վտանգ չի սպառնում

«Վերնիսաժ»ժի մոտ մայիսի 17-ին արձակված կրակոցներից վիրավորված և թիվ 1 համալսարանական հիվանդանոց տեղափոխված հինգ անձանց կյանքին վտանգ չի սպառնում: Այս մասին Yerkir.am-ին հայտնեց Երևանի պետական բժշկական համալսարանի մամուլի պատասխանատու Ալեքսանդրա Հարությունյանը:

«Ալբինա Բադալյանի վիճակը կայուն է, նրա մոտ ամեն ինչ նորմալ է արդեն:  Նորայր Հարությունյանի վերքերը նորմալ վիճակում են, կյանքին վտանգ չի սպառնում:  Մնացական Սուքիասյանը, Մյասնիկ Հայրապետյանն ու Վալերի Հովհաննիսյանը ծանր կայուն վիճակում են,  գիտակից են»,- նշեց նա:

Հիշեցնենք, որ երկու օր առաջ` ժամը 13.25-ին, «Վերնիսաժ»-ի մոտ կրակոցներ են հնչել: Փաստի առթիվ հարուցվել է քրեական գործ ՀՀ քրեական օրենսգրքի 235 հոդվածի 1-ին մասի և 258 հոդվածի 4-րդ մասի հատկանիշներով: