կարևոր
1825 դիտում, 4 ամիս առաջ - 2023-12-17 17:18
Հասարակություն

Իջևան-Դիլիջան երթուղայինի վթարից տուժածների կյանքին վտանգ չի սպառնում

Իջևան-Դիլիջան երթուղայինի վթարից տուժածների կյանքին վտանգ չի սպառնում

Իջևանի ԲԿ է տեղափոխվել 12 մարդ, նրանց մեծ մասը ունի թեթև և միջին ծանրության վնասվածքներ, Armenia Sputnik-ին հայտնեցին Իջևանի բժշկական կենտրոնից։

Տուժածներից միայն մեկն է հոսպիտալացվել, նա ստացել է կրծքավանդակի փակ վնասվածք, մնացածը դեռ հետազոտման փուլում են։

Ավելի վաղ հայտնել էինք, որ խոշոր վթար է տեղի ունեցել Տավուշի մարզում: Բախվել են Իջևան-Դիլիջան երթուղու մարդատար ГАЗель-ն ու 06-ը: Վթարի հետևանքով 15 հոգի մարմնական վնասվածքներով տեղափոխվել են «Իջևան» բժշկական կենտրոն: