10 % տնտեսական անկում` Տիգրան Սարգսյանի օրոք

Բազմաթիվ տնտեսական, քաղաքական իրադարձություններ են տեղի ունեցել, որոնց արդյունքում մեր կառավարությունը պետք է հրաժարական տար. այսօր լրագրողների հետ հանդիպման ժամանակ կարծիք հայտնեց տնտեսագետ Բագրատ Ասատրյանը` անդրադառնալով վարչապետի հրաժարականին:

«Մեր խնդիրը վարչապետը չէ, մեր խնդիրը նախևառաջ իշխող քաղաքական ուժն է, որն ինչ-որ նոմինալ անվան տակ հավաքագրել է փողատերերին` հաստ գրպաններով մարդկանց»,- ասաց նա և, ամփոփելով վարչապետի պաշտոնավարման տարիները, նշեց, որ 2008 թվականից առկա խնդիրներից ոչ մեկն այսօր լուծված չէ, ավելին` ներկայումս ավելի շատ են այդ խնդիրները: Ասատրյանի խոսքով` 2008-ից մինչ օրս մեր երկրում 10 տոկոս տնտեսական անկում է գրանցվել, աղքատության մակարդակն իջել է, ինչը, ըստ նրա, նման իշխանության գործունեության արդյունքն է:

«Տարեցտարի Հայաստանը կորցնում է իր քաղաքական դիրքը, սոցիալական անկում է նկատվում»,- ասաց նա և հույս հայտնեց, որ վարչապետի հրաժարականից հետո նման լավ փոփոխությունների շարքը զարգացում կունենա: