ՍԴ դատավորը 65 տարեկան է, բայց դեռ կաշխատի

Սահմանադրական դատարանի դատավոր Մանուկ Թոփուզյանն այսօր դարձավ 65 տարեկան և, համաձայն «Սահմանադրական դատարանի մասին» օրենքի 14-րդ հոդվածի` պետք է նրա լիազորությունները դադարեցվեն:

Yerkir.am-ի հետ զրույցում Սահմանադրական դատարանի մամուլի քարտուղար Հովհաննես Պապիկյանը հայտնեց, որ Մ. Թոփուզյանը դեռևս կշարունակի պաշտոնավարել, քանի որ նրա վարույթում կան քննվող գործեր:

Նշենք, որ վերոնշյալ իրավական նորմի երկրորդ կետի համաձայն` եթե Սահմանադրական դատարանի անդամն իր պաշտոնավարման տարիքը լրանալու պահին մասնակցում է մեկ կամ մեկից ավելի գործերի դատաքննության, ապա նրա լիազորությունները դադարում են այդ գործի (գործերի) ավարտման օրը, բայց ոչ ուշ, քան պաշտոնավարման տարիքը լրանալու օրվանից վեց ամիս հետո: