Ոստիկաններն այցելում են ''Դեմ եմ'' նախաձեռնության անդամների բնակարանները

«Դեմ եմ» նախաձեռնության երեկվա ավտոերթից հետո ոստիկաններն այցելել են մասնակիցներից մի քանիսի տները: Այս մասին տեղեկացանք «Ընդդեմ կենսաթոշակային 5% վճարի» ֆեյսբուքյան խմբի էջից:

Օգտատերերից Հակոբ Արշակյանը գրել է. «Ժողովուրդ ջան, քիչ առաջ ոստիկանությունից այցելել են մեր տուն: Ծնողներիս ասել են, թե տարածքում վթար է եղել և ցանկանում են նկարել իմ ավտոմեքենան: Իմ կարծիքով այցելության բուն նպատակը եղել է երեկվա ակցիայի մասնակիցներին վախեցնելը: Հիմա ասածս ինչ ա. ակցիայի բոլոր մասնակիցներին խնդրում եմ օպերատիվ կերպով այստեղ տեղադրել ոստիկանների այցելության մասին տեղեկատվությունը, որպեսզի հասկանալի լինի, թե արդյո՞ք սա սիստեմատիկ բնույթ է կրում»:

Մեկ այլ օգտատեր` Գևորգ Իսկանդարյանն էլ գրել է. «Ժողովուրդ ջան, էսօր ինձ էլ էին զանգել, ասացին ` վրաերթ է եղել opel-ով , սաղ opel-ները ստուգում ենք, պետք է գանք` ավտոն նայենք, իրանց ասելով պետք է գան` վաղը ավտոն նայեն»: